тұтандыру бауы

(Детонирующий шнур)

бірнеше зарядты жаруға арналған, бризантты жарылғыш заттарға толы майысқақ түтік. Т. б-ның өзегі тэнмен, октогенмен, гексогенмен, гексогенмен араласқан тетрилмен, күркіреуік сынаппен жабдықталады. 1 метрлік Т.б-нда 10—13 г жарылғыш заттар болады. Т.б. капсюль-детонатордан, электрдетонатордан немесе жарылғыш заттар зарядынан жарылады. Тұтандырғыш баудың детонацияны жеткізу жылдамдығы 9000 м/сек, оның көмегімен зарядтардың бір уақытта жарылуы қамтамасыз етіледі. Баудың ұшында капсюль-детонатор болуы керек, алайда зарядты тек 4—5 қатарға оралған тұтандырушы баудың көмегімен де жаруға болады. Тэнмен жабдықталған, үстінен қызыл жіптер тартылған ылғал өткізбейтін мастика қабықшалы ДШ-Б, қызыл пластиктен жасалған су өткізгіш қабықшалы ДШ-В, екі қызыл жібі бар ақ түсті қабықшалы ДШ-А баулары қолданылады. Су астында ДШ-Б өз қасиеттерін 10 сағ-қа дейін, ДШ-В 24 сағ-қа дейін сақтайды.